Gaur bozkatuko ditu Plenoak 2015eko udal aurrekontuak. EAJ eta Hamaikabat alderdiek kontra bozkatuko dute, eta elkarrekin Osoko Zuzenketa egin diete aurrekontuei.
Bederatzi puntu
Kronikara bidalitako prentsa oharrean bederatzi arrazoi zehaztu dituzte:
«1. Herriko gestioa aurrera eramateko funtzionatzen dute kanpoko aholkularitza zerbitzuekin eta konfiantzazko pertsonekin.
2. Kooperaziorako jartzen den diruaren %25 hernaniarrentzat izan beharko lukeela uste dugu, hau da, munduan zehar proiektuak dituzten hernaniarrentzat. Aportazioak zuzena izan beharko lukeela uste dugu.
3. Aurrekonturako aurreikusi den 450.000 euroko prestamoa bidegabea iruditzen zaigu. Bilduren gobernuak aurrezteko esfortzua egin zezakeen gastu orokorretan, konjelazio fiskala konpentsatu ahal izateko. Bide erraza hartu du, prestamoa eskatzea.
4. 1.200.000 euro xahutuko dira igerileku irekietako basoak haunditzeko. Gure ustez, Bilduk hauteskundeak direlako egin nahi du obra hau, duen irudia hobetzeko. Diru horrek behar luke beharra duten 600 familientzat; elikagai bankua erabiltzen duten edo arrisku egoeran dauden hernaniarrentzat.
5. Auzoak rehabilitatzeaz ahaztu dira.
6. Aurrekontuan diru sarrerak haunditu diren arren, Ongintzarako kopurua murriztu egin da, eta gizarte politiketarako partida ez da haunditu.
7. Atez atekoan 1.500.000 euro gastatzen jarraitzen delako. Garbitaniari ordaintzen zaizkio, merkeago egingo lukeen beste enpresaren bat ba ote dagoen aztertu gabe.
8. Bildu Garapenerako entitate bat gestionatzeko gai ez delako. Interes partidistak izan ditu kontuan, eta Sagardotegiak-Garbitania berri bat montatu dute hiru herriren artean.
9. Dirulaguntzen politika ez dugulako konpartitzen. Zenbait kolektibori zuzenean ematen zaie, lehiaketetara aurkeztu gabe».