Aurten ere Hernanin kirol arloan lan egin duten pertsonak sarituko dira. Kirol elkarteek eta banakakoek erabaki dute, zeinek merezi duen. Hiru saritu izango dira: lorpenak izan dituzten banakako emakumezko eta gizonezkoa; eta kirol munduan ibilbide bat izan duen hernaniarra.
Ekitaldian baita ere, kirolaren inguruko hitzaldia antolatu dute, Euskal Selekzioaren inguruan. Bertan izango dira Patxi Jauregi, Euskal Pilota Federazioko presidentea eta Iñaki Laskurain, Euskadiko Errugbi Federakundeko presidentea. Mahai-inguru formatua izango du eta herritarrek parte hartu ahal izango dute. Ekitaldia 19:00etan da Biterin. Lehendabizi mahai-ingurua izango da, eta saribanaketa ondoren.