Modu askotara iragarri eta ospatu daitezke Gabonak, eta Hernaniren kasuan, musika emanaldiak dira tradizioa. Gaur hasi eta festa egunak pasa bitartean, kontzertu eta emanaldiak izango dira, han eta hemen.
Urteroko kontzertua, Ereñotzun
Ereñotzuko eliza izango dute eszenatoki gaur, musikariek eta abesbatzako kideek. Txirritako eta Doinu Zale musika eskolako kideen txanda izango da lehendabizi. Ozenki abesbatzako kideak ere, bertan izango dira. 19:00etan hasiko da emanaldia. Dena prest dute! Eta gero, luntxa izango da.
Musika Eskolako kideak, Biterin
Urte bukaerako emanaldietan murgilduta dira, Musika Eskolako kideak ere. Gaurkoan teklatu taldearen eskutik izango da kontzertua. Biterin, arratsaldeko 18:00etan.
Gabon kantak, ostiralean
Ikastetxeetako eta herriko abesbatzek eskaintzen duten kontzertua ere, Gabonetako sinboloa da Hernanin. Kantuz abesbatzak antolatuta, ostiralean dute emanaldia zazpi abesbatzek: San Joan Parrokikoa, Musika Eskolakoa, Inmakuladakoa, Musika Eskolako DAKAPO, Goiz Eguzkikoa, Ozenki eta Kantuz. Bina abesti kantatuko ditu abesbatza bakoitzak, guztiak, gabon kantekin erlazionatutakoak. San Joan Bataiatzailea parrokian izango da, 20:00etan hasita.
Ikastetxeetako eta ikastoletako abesbatzek Gabon kantak abestuko dituzte ostiralean. San Joan Bataiatzailea elizan izango da, 20:00etan hasita»
Ozenkik eta Musika Bandak, Gabonetako kontzertua
Gabonetako saio berezietako bat, Ozenkik eta Musika Bandak eskainiko dute larunbatean, Agustinetan, 20:00etan hasita.
Imanol Kamio eta Roberto Pacheco izango dira zuzendariak, eta emanaldiak hiru zati izango ditu: abesbatza batetik, Musika Banda bestetik; eta biak batera, azkenik. Hamaika abesti eskainiko dituzte guztira:
Overture to a winter Festival (Bandak)
Entzun Meltxor (Koroak)
Ez dut nahi (Koroak)
Hator Hator (Koroak)
Elurra mara (Koroak)
Radetzky Marsch (Bandak)
Au der schönen blauen donau (Bandak)
A festive christmas celebration
(Koroak eta Bandak)
Birjiña maite (Koroak eta Bandak)
Somewhere in my memory
(Bandak)
Gospel Train
(Koroak eta Bandak).
Txistulari Bandak Eguberritako kontzertua
Txistulari Bandak ere, eguberritako kontzertua emango du Santo Tomas egunean. Milagrosan izango da kontzertua, 13:00etan. Txistulariak eta biolin jotzaile bikotea ariko dira, eta Patxi Apezetxeak zuzenduko ditu. Zortzi abestiko errepertorioa antolatu dute kontzerturako:
Zortziko biribilketa
Minuetoa
Gipuzkoan barrena
Otxagabiako dantzak
Iruña de la Oca
Din ,dan, don
Alborada navideña 5
Gabaren zoragarria
Noche de Paz