Hernaniko Sortuk kontzentrazioa deitu du bihar, iluntzeko 19:00etan Plaza Berrin, «espetxe politika kriminalari stop esateko». Herritar guztiei dei egin diete, salaketarekin bat egiteko.
Izan ere, bihar bilduko da Auzitegi Gorena, 56 euskal preso politikoren zigorra luzatu edo ez erabakitzeko: «Europatik datorren araua urratu edo ez erabaki beharko du Auzitegi Gorenaren osoko bilkurak», adierazi du Hernaniko Sortuk.
«Ezin dugu ahaztu, preso hauek zigorra betea dutela»
Sorturen arabera, Auzitegiak erabakiko du ingeniaritza juridikoa erabiliko duen presoei zigorra bidegabeki luzatzeko: «ezin dugu ahaztu, preso hauek zigorra betea dutela, eta delitu beragatik zigorra bi aldiz betearazi nahi zaiela».
«Europatik datorren araua urratu edo ez erabaki beharko du Auzitegi Gorenak», salatu du Sortuk.
Egoera hori, PPren gobernuaren presioak eragin duela salatu du Hernaniko Sortuk: «prest daude arauak urratzeko, euskal preso politikoei ezartzen zaien salbuespenezko espetxe politikari eusteko». Horregatik, adierazi du bide guztiak aktibatu behar dituztela, «PPren espetxe politika kriminalarekin amaitzeko»: bide judiziala, aktibazio eta mobilizazio sozialak...