Gipuzkoako Trinkete Txapelketa martxan da eta bertan lehiatuko dira Mundarro taldeko Oier Gurutzealde eta Egoitz Olarra astigartarrak. Eskuz banaka, lehenengo mailan ariko dira biak eta txapelketako lehenengo partidua gaur jokatuko dute.
Irurako trinketean jokatuko dira partiduak, arratsaldeko 14:15etatik aurrera. Gurutzealderena laugarren partidua izango da eta Olarrarena seigarren partidua. Gurutzealdek Behar Zana taldeko Eñaut Esnaola izango du aurrez aurre eta Olarrak, Hernani taldeko Ander Lopez.
Gurutzealde, Mundarron berriz
Gurutzealdek Urnieta taldearekin jokatu du Gipuzkoako Binakako Txapelketa, zedituta. Bigarren mailan aritu da Julen Loitegirekin eta ligaxkan erdi parean geratu dira. Txapelketa hori bukatuta, Mundarrorekin jarraituko du, orain arte bezala.