Eguberriak edo Gabonak gainean dira eta Musika Eskolan entzunaldiak antolatu dituzte, hilabete hauetan zehar ikasleek ikasitakoa erakusteko. Ostiralean hasiko dira eta datorren ostiralera arte, ia egunero izango da emanaldiren bat. Trikitixa eta pandero ikasleen txanda izango da ostiralean bertan, arratsaldeko 19:30etan hasita.
Gabonetako kontzertua, igandean
Igandean, berriz, Gabonetako kontzertua eskainiko dute. 10:00etan, honako taldeek joko dute: musika hezkuntza goiztiarra, piano bakarlariak, biolin taldea eta tronpeta ikasleak. Ondoren, 11:00etan: teklatu taldeak, trikitixa eta pandero taldeak eta AHIT. Eta bukatzeko, 12:15etan: pop-rock konboak eta tailerra 3 (6 urtekoak).
Entzunaldiak
Abenduak 12, ostirala
19:30, Trikitixa eta panderoak.
Abenduak, 15, astelehena
19:00, Pianoa, zeharkako txirula eta biolinak.
Abenduak 17, asteazkena
19:30, Pianoak.
Abenduak 18, osteguna
19:30, Gitarra elektrikoak eta
konboak.
Abenduak 19, ostirala
19:30, Gitarra klasikoak eta Eira.