Martxan da janaria biltzeko kanpaina, Saharako errefuxiatuen kanpamendura eramateko. Gaur hasiko da produktuak biltzen Sahararen aldeko Euskal Karabana. Eskoletan eta Biteri kultur etxean jarri dituzte kaxak, kanpamenduan gehien behar diren produktuak biltzeko: konpresak, arroza, dilistak, pasta, olioa, azukrea, eta atuna edo sardinak oliotan.
Abenduak 19an eta 20an, supermerkatuetan
Eskoletan, gaur hasi eta abenduaren 19ra arte egingo dute bilketa. Hain justu, 19an eta 20an egongo dira herriko supermerkatuetan, produktuak biltzen. Biterin, berriz, gehiago luzatuko da kanpaina: urtarrilaren 9ra arte egongo dira kaxak, produktuak uzteko.