Kriskitiña dantza taldeak antolatuta, Hernaniko Gazteen XX. Dantza Txapelketa ospatu zen atzo Biterin.
Azkenean, guztira 13 bikotek hartu zuten parte, Azpeiti, Azkoiti, Lezo, Errezil eta Bergaratik etorriak. Azken herri horretara eraman zituzten zapia eta txapela Saioa Galarragak eta Julen Murgiondok.
Bigarren, berriz, Errezilgo Julen eta Nagore Berrondok egin zuten. Hirugarren, Ekain Uzkudun eta Laura Bastida azpeitiarrek. Laugarren, Iker Belintxon eta Maider Aginaga lezoarrek. Eta bosgarren, Aitor Uzkudun eta Leire Eizmendi errezildarrek.
Gainontzeko bikoteek ere oroigarriak jaso zituzten.