Zortzi urte bete ditu Kontrakantxa Gaztetxeak, eta ospatzeko, aste osoko egitaraua prestatu da.
Hasteko, gaur, arratsaldeko 18:00etan bideo emanaldia izango da gaztetxean bertan.
Bihar, berriz, haur jolasak egingo dira, 17:30etan, eta ostegunean, jolas horietako finalak jokatuko dira 19:00etan. Ondoren, pintxo-potea egingo da.
Ostiralean, tailerra
Ekintza potoloenak astebururako antolatu dituzte. Horrela, ostiralean Xamurtasun Tailerra emango da, 18:30etan.
Bazkaria eta kontzertuak
Egun potoloena larunbata izango da. Trikipoteoa egingo da, 12:00etan plazatik abiatuta; bazkaria, 14:00etan; Buruntzantzan Batukada 18:00etan; eta kontzertuak 22:30etan: 3gabe2, Luz de Putas eta DJ Aratz.
Bazkarirako txartelak salgai daude dagoeneko, Garin, Aker eta Zintzarri tabernetan. 15 euroren truke, bazkaritarako txartela eta urteurreneko kamixeta emango dira.