Lehengo urteko abenduaren 6an argitaratu zen Bit&Behin aldizkariko aurreneko alea, eta ostiral honetan urteurrena ospatzeko bertso-afaria antolatu dute.
Unai Gaztelumendik eta Eli Pagolak jarriko dituzte bertsoak, 21:00etatik aurrera Kontrakantxa Gaztetxean egingo den afariaren bueltan. Sarrerak Garin tabernan erosi daitezke, 10 eurotan.
Gazteen aldizkaria
Aldizkaria bi hilabetean behin banatzen da, doan, herriko hainbat tabernatan.
Gazteek gazteentzako egindako aldizkaria da, eta 5 atal lantzen dira bertan: preso eta iheslariak (harremanetan jarri dira preso, senide eta lagunekin, beraiei ahotsa emateko); Historia (Euskal Herrikoa eta beste herrialdeetakoa); Mundua; Feminismoa; Lana eta Etxebizitza.
Edozein proposamen jasotzeko ere prest daude, «gazteok badugulako zer esana»: bitanbehin@gmail.com.