Ostegunean, Milagrosa egunean, 32 urte bete zituen Galtzaur jubilatu elkarteak eta urteurrena ospatzeko, bazkaria egin zuten urtero bezala. Eta ohi bezala, aurten 80 urte betetzen dituzten bazkideak ere omendu zituzten: Luis Mari Gorostidi, Josefa Berra, Miren Sarriegi eta Agustina Altuna. Oiartzungo Tolare jatetxean bazkaldu zuten eta denera, 109 lagun elkartu ziren. Bazkideekin batera, Andoni Gartzia alkatea eta Lorena Lopez Gizarte Zerbitzuetako teknikaria ere izan ziren.