ERrioxarrak eta liderrak izango dituzte gaur aurkari Euskal Ligako neskek: Campus Promete. Arratsaldeko 16:00etatik aurrera jokatuko dute Astigarragako kiroldegian. Astigartarrek bi garaipen lortu dituzte jarraian eta hirugarrena lortzeko asmoz estu hartuko dituzte bisitariak.
Indarkeria sexistaren aurka
Saskibaloiko nesken taldeak ere, Indarkeria sexistaren aurkako matazak ekimenarekin bat egingo du eta pankarta aterako du partidua hasi aurretik.
Mutilek, kanpoan
Euskal Ligako mutilek bihar jokatuko dute Portugaleten, 12:30etan. Gipuzkoako ligako taldeak ere etxetik kanpo jokatuko du. Gaur neurtuko dira Atletico San Sebastianen aurka, 20:00etan, Aieteko kiroldegian.