Partidu garrantzitsua jokatuko du bihar Hernanik, 12:00etan Landaren. Garrantzitsua, Ordiziaren aurkako derbia izango delako, eta, gainera, bildutako dirua Seaska, Iparraldeko Ikastolen Federazioari laguntzeko izango delako.
Sarrerak 10 euro balioko ditu, eta abonatuek ere ordaindu beharko dute: 5 euro.
Ondoren, paellada
Biharko partidua berezia izango da, eta, hain zuzen, festa giroa luzatzeko asmotan, paellada egingo dute partidua bukatu ondoren. Giro ona eta jendetza biltzea espero dute antolatzaileek.
Bueltako partiduan, berdin
Bueltako partidua Ordizian jokatzen denean ere, bildutako dirua Seaskari laguntzeko erabiliko da.