Bihar eta etzi egingo du elikagai bilketa, Gipuzkoako Elikagai Bankuak. Iazko kanpainaren arrakasta ikusita, aurten ere egitea erabaki dute, eta zentro komertzialetan jarriko dituzte guneak, herritarrek elikagaiak emateko. Hernanin, hiru tokitan eman daitezke: Lidl, Eroski eta DYA.
Azaroaren 28 eta 29an, egun osoan zehar egongo dira boluntarioak, puntu horietan. Komertzioak irekitzen direnetik ixten diren arte, alegia.
Jaki prekozinatuak hobe
Mota guztietako elikagaiak hartuko dituzte, bi egunetan. Hori bai, prekozinatutako jakiak ematea gomendatu dute antolatzaileek, dagoeneko sukaldatuta dauden lekaleak... Horrela, energia gutxiago gastatzen dute.