Osatu dute mahaia, Gipuzkoako Erresidentzien Konbenioa negoziatzeko. Joan den ostiralean osatu zuten, «nahiz eta aurreko bileran trabak jarri, bereziki Adegik», CCOOk azaldu duenez.
Mahaian ordezkaritza duten lau sindikatuek, dagoeneko aurkeztu dituzte beraien plataformak, baina Adegik eta Laresek, oraindik ez dute horien inguruko erantzunik eman. Biek azaldu dute, hurrengo bileran emango dutela erantzuna, abenduaren 11n.
«Sektoreko langile guztiak hartu behar ditu konbenioak»
CCOOk adierazi du, negoziaketa prozesu honekin Gipuzkoa osorako konbenio orokor bat lortu behar dutela: «beste behin, aldarrikatu nahi dugu probintziako konbenio bat behar dugula, sektoreko langile guztiak barnean hartuko dituena, inolako lantokirik geratu ez dadin konbenio horrek zehaztutakotik kanpo».