Asteburu ona izan da pelotari hernaniarrentzat, Gipuzkoako Txapelketan: 8 partidu irabazi dituzte, eta 3 galdu. Garrantzitsuena, Xabat Pagolak eta Iñaki Urruzolak lortu zutena, jubenilen bigarren mailan: finalerdia irabazi zuten Hondarribian, eta denboraldiko aurreneko final ofiziala jokatuko dute. Unax Uitzi alebina eta Oihan Zugasti infantila, berriz, final zortzirenak jokatzeko sailkatu dira.
Emaitza txarrak ere izan ziren, ordea. Anartz Oiartzabal alebinak ezin izan zuen partidua bukatu, gaixotasun bat tarteko, eta Xabier Salaberria infantilak galdu egin zuen, partidu ona jokatu arren.