Indarkeria sexista salatzeko eguna da gaurkoa, Emakumeenganako Indarkeriaren Kontrako Nazioarteko Eguna. Horregatik, kontzentrazioa egingo dute Plaza Berrin, iluntzeko 19:00etatik aurrera. Hernaniko Bilgune Feministak, Berdintasun Kontseiluak eta Hernaniko Udalak deitu dute, eta dei egin diete herritar guztiei, salaketarekin bat egiteko.
Autodefentsa feminista saioa, larunbatean
Indarkeria sexista salatzeko, beste ekitaldi bat ere egingo dute larunbatean. Autodefentsa feminista saioa egingo dute Biterin, goizeko 10:00etan hasita. Apuntatzeko, idatzi mezua helbide elektroniko honetara: hernanikotxokofeminista@gmail.com.