Hernaniko Podemos udal hauteskundeetara aurkeztea aztertzen ari da, Plataforma gisa

Hernaniko Podemos hasi da bere bidea egiten. Zortzi la­gunek sortu dute taldea, eta hasi dira aurreneko pausuak ema­ten. Ostiralean egin zuten aur­kezpena Biterin, asanblada gisa, eta txiki geratu zen bilera gela. Ehundik gora hernaniar ger­turatu ziren, alderdi be­rriaren berri izatera. Ibilbide laburra duen alderdia bada ere, pausu eta lorpen asko izan ditu azken hilabeteetan, eta eboluzio hori guztia azaldu zuten hasieran. Europako Hauteskundeetan lor­tutako emaitzak inflexio puntua izan dira, eta orain adosten ari dira zeintzuk izango diren etor­kizuneko ildoak; hau da, al­derdiak izango duen ibilbidea.

Taldeak, probintzia eta herrian
Podemosek zentrala Madrilen badu ere, probintzi eta he­rriet­an hasi dira zirkulu edo tal­deak sortzen. Gipuzkoak badu berea, eta Hernanik ere, hasi du bidea. Aurkezpenean azal­du zutenez gainera, aportazio asko egin dituzte: «Madrilen bilerak egin dira uztailetik, Podemosek egin behar duen bidea zehazteko. Gipuzkoako zirkulu edo taldeak aportazio asko egin ditu, eta hori datu inportantea da».
Orain, bakoitzak bere be­ha­rrak aztertu behar ditu: «zen­tra­le­tik markatu diren ildoak abia­puntu izanda, herri bakoitzak di­tuen beharrak aztertu behar di­tu. Prozesu kon­plexua izango da, baina be­har beharrezkoa. Herri­tik sortu behar da politika, eta ho­ri ez da inoiz ahaztu behar».

«Udalarekin harre­mana izateko tresna izan behar du Pode­mosek. Instituzioak behetik ‘asaltatu’ behar ditugu»

«Nazkatuta gaude»
Hernaniko Podemos taldea zor­tzi herritarrek jarri dute mar­txan: «hernaniarrak gara, nor­ma­­lak, politikan espe­rien­tziarik ez dugunak. Nekatuta gaude or­dea; nazkatuta ikus­teaz, ins­ti­tuzioak herritik oso urruti dau­dela. Talde honen be­tebehar na­gu­sia da herritarrei lagun­tzea. Herritarrak ins­titu­zioetara iris­te­ko tresna izan behar du tal­deak. Inor ez da inor bai­no ge­hiago. Bakoitzak bere ideiak izan­go ditu, eta asan­bladatan aztertu eta onartuko dira».
Azaldu zuten, Hernaniko Po­de­mosen hasierako helburua ez dela alderdi politiko bat sortu, eta hauteskundeetara aurkez­tea: «Udalarekin harremana iza­teko tresna bat izan nahi dugu. Instituzioak behetik asaltatu behar ditugu, parte izatera iritsi behar dugu. Jokorako dituzten arauak barrutik aldatu behar ditugu. Baina prezipitatu gabe».

Herritarrek galdera ugari
Aurkezpena bukatuta, galdera ugari egin zituzten ber­tara­tu­ta­ko herritarrek. Hautes­kun­dee­tara aurkeztuko diren galdetuta, Hernaniko taldeak edo zir­ku­luak erabakiko duela azaldu zuten: «gauzak poliki egin behar dira, ondo aztertuta. Alderdi politiko gisa ez gara aurkeztuko, bai­na taldeak hala erabakitzen badu, plataforma gisa aurkeztu gaitezke». Aportazioak ere egin zituzten herritarrek: «zaila izango da denok ados jartzea. Denok ditugu gauzak buruan, helburuak, baino minimoen alderdi bat izatea lortu behar dugu. Gauza batzuetan ados ez egoteak ez du esan nahi elkarrekin funtzionatu ezin daitekeenik. Batzen gaituen gauza asko ditugu hemen gaudenok, eta horrek izan behar du gure indarra».

Astero elkartuko dira
Bertaratutako askok eman zu­ten izena, Hernaniko taldean par­te hartu, eta aurrera egiteko. Azaldu zutenez, asmoa da astero biltzea eta pixkanaka taldea sendotzea: «interesa du­ten herritar guztien parte har­tzea be­harrezkoa da». Os­ti­ra­lean bertan izan ez zirenek harremanetan jar­tzeko bi bide dituzte: pode­mos.hernani@ gmail. com; edo Face­booken: Podemos Hernani-Ahal dugu.