Nolakoa behar du gazte politikak?

Hernaniko gazteriaren diagnosia egin nahi du Udalak, eta Aztikerren laguntzarekin, prozesu partehartzailea ari da egiten. Gaur dute saioa herriko gazteekin, 19:00etan, Gaz­tetxean. Saioa irekia da.
Gazte politika batek zer landu behar duen aztertuko dute, eta horretarako hainbat adibide eta kasu praktiko azaltzera etorriko dira hiru talde. Bestelako aisialdi ereduak azalduko ditu Her­na­niko Kanika taldeak. Lakaxita taldea Irundik etorriko da, kooperatibagintzaren inguruan hitz egitera. Eta azkenik, autogestioa eta etxebizitza kooperatiben inguruan ariko da Bartzelonatik etorriko den Can Batlló taldea.