Azken urtean mapa politikoa hankaz gora jarri duen alderdi politikoa iritsi da Hernanira. Gaur arratsaldean aurkeztuko dute Podemos-Ahal dugu alderdia. Lanean aritu dira azken asteetan, eta bilera batzuk eta gero, taldea herritarrei aurkezteko moduan dira. 19:30etan jarri dute hitzordua Biterin, eta hernaniar guztiak animatu dituzte, gerturatu eta taldearen nondik norakoak ezagutzera.
Asanblada moduko aurkezpena
Asanblada itxurako aurkezpena izango da gaurkoa, parte hartu nahi duen guztiari irekia. Bertan azalduko dute nor diren, nondik datorren Podemos, zein diren alderdiaren helburuak, eta beste hainbat gai. Podemosek dio, herriaren eta herritarrentzako alderdia izan nahi duela.
Jende asko, lanean
Azaldu dutenez, Hernaniko jende askok hartu du parte Podemosen antolaketan: «plataformako kideez gain, herritarrek ere izan dute kolaboratzeko aukera, bilerak egin dituzte».
Korreo elektroniko bat dute herritarren esku: podemos.hernani@gmail.com. Eta Facebooken ere badute orrialdea: Podemos Hernani-Ahal dugu.