Bigarren urtez, eskubaloi jardunaldiak antolatu ditu Hernaniko Eskubaloi Taldeak Urumea ikastolan. Asmoa da, neska-mutilek eskubaloia ezagutzea. Hastapeneko klaseak ematen dituzte, kirol honetan eskarmentu haundia duten monitore, jokalari, tekniko eta abarrek; goi mailakoak guztiak.
Aurreneko saioa herenegun jaso zuten, eta gaur ere izango da aukera: 09:00etatik 10:30etara. Hilaren 25, 26 eta 27an ere, ordu berean izango dira sesioak. Eta arratsaldez ere, emango dituzte: datorrena, hilaren 25ean, 14:30etatik 16:00etara.
Ateak zabalik, gainerako ikastetxeentzat
Eskubaloi taldeak azaldu duenez, jardunaldi hauen helburua da eskubaloia ezagutaraztea, batez ere, herriko txikienek kontaktua izatea. Hori horrela, gainerako ikastetxeei gogoratu nahi die, ateak zabalik dituztela.
Eskubaloi taldearekin harremanetan jartzeko bi bide: telefonoz, 699 845 896 edo emailez, hernanikoeskubaloia@gmail.com.