Santa Zezilia eguna, musikarien zaindariaren eguna, larunbatean da eta haren omenez, hainbat musika emanaldi izan dira eta izango dira aste honetan. Igandean, txistu emanaldiek eta Bordeleko Lurra zortzikotearen kontzertuak girotuko dute herria.
Astigarragako txistulariek diana jotzen dutela 25 urte betetzen dira aurten eta diana berezia joko dute Txirriskla taldeko, Musika Eskolako txistu ikasle eta irakasleek, eta herri eskolako ikasleek. Horrez gain, eguerdian dianetan jotzen dituzten doinuekin emanaldiak eskainiko dituzte herriko hainbat txokotan. Goizeko 09:30etatik 12:30etara ariko dira.
Bordeleko zortzikotea berriz, Frantziako lirika ezberdinetako abeslari profesionalez osatua dago eta Jordi Freixaren zuzendaritzapean euskal doinuetan oinarritutako emanaldia eskainiko dute. 18:30etan izango da elizan.