Hernanira iritsi da Podemos alderdia ere. Azken asteotan lanean aritu eta bilerak egin ondoren, Hernaniko Podemos aurkeztuko dute ostiral honetan. Biterin izango da, arratsaldeko 19:30etan, eta herritar guztiak animatu dituzte hurbiltzera, alderdiaren nondik norakoak ezagutzeko.
Asanblada moduko bat izango da ostiraleko aurkezpena, joan nahi duten guztiei irekia. Bertan azalduko dute nor diren, nondik datorren Podemos, zein diren alderdiaren helburuak eta beste gai asko.
Herriaren eta herriarentzako alderdia izan nahi du Podemosek.
Hernaniko jendea eta plataformako kideak, aurkezpena antolatzen
Jende askok hartu du parte Hernaniko Podemosen antolaketan. Plataformako kideez gain, herritarrek ere izan dute kolaboratzeko aukera, egin dituzten bileretan.
Gainera, helbide elektroniko bat ere jarri dute hernaniarren esku, informazio gehiago eskatu nahi duenarentzat edota edozertan kolaboratzeko gogoa daukan edonorentzat: podemos.hernani@gmail.com.
Bestalde, Facebooken ere orrialdea jarri dute martxan, eguneroko jardunaren berri emateko, eta jendearen parte hartzea sustatzeko: Podemos Hernani-Ahal dugu.