Lehengo urtean ere jokalari profesionalak zituen talde santandertarrak, eta hernaniarrek jakin zuten beren indar guztiarekin bultz egin eta garaipena lortzen.
Gaur ere, horixe izango da helburua, 12:00etan, Landaren.
Aurreneko puntuak lortzeko arerio gogorra
Hernanik behar-beharrezkoak ditu puntuak, denboraldi honetan ez baitu oraindik partidurik irabazi.
Gaurkoan arerio gogorra izango du aurrez aurre, baina jokalariak prest daude lehia bizirako. Hala ere, ezinbestekoa izango dute zaletuen berotasuna.
Santanderko taldeak tituluren bat lortzea du helburu, eta horretarako, jokalari profesionalak ditu: CRCko Izko Armental edo Jacobo Martin, Vigoko Alejandro Blanco, Cienciaseko Javier de Juan, edo Frantziatik iritsitako Javier Anaya madrildarra. Iazko hainbat jokalari ere mantendu ditu: Pepin Sanz, Urbaitis edo Mariano Garcia.