Hernanik dituen lau erronka nagusi identifikatu dituzte Mondragon Unibertsitateko hiru ikaslek, eta gaur parte hartze prozesu bat dinamizatuko dute, «Euskal Herrian egingo den aurreneko sormen prozesu partehartzailea», herritarrek beren proposamenak egin eta konponbideak bilatzeko.
Ondoren, proposamen horiek udaletxeko teknikariei aurkeztuko dizkiete, herritarrek beraiek. Teknikariek horien inguruan hausnartuko dute, eta aurrerago, herritarren eta teknikarien arteko beste bilera batean, bideragarritasuna aztertu eta aurrera aterako dituzte.
Gaurko saioa guztiz irekia da, eta herritar guztiak animatu nahi dituzte parte hartzera. Umeentzako tailerrak eta denentzako bazkaria izango dira.