Musikoen eguna, Santa Zezilia eguna, gerturatzen ari da, eta herriko taldeak hasi dira kontzertuak prestatzen. Hernaniko Musika Bandak larunbat honetarako antolatu du kontzertua; 19:30etan izango da, udaletxeko arkupeetan, Roberto Pachecoren zuzendaritzapean. Bost pieza joko dituzte: Donosti zaharra, Inocencio Gaztelumendiren pasodoblea; Guillermo Tell, Gioachino Antonio Rossiniren opera obertura; El Bateo, Federico Chuecaren zarzuela; The man with the golden arm, Elmer Bersteinen jazzeko pieza aukeraketa; eta mexikoko musikala, Huapango, José Pablo Moncayorena.