Eztabaidarako erreferenduma larunbatean

Democreativity ekimena Mon­dragon Unibertsitateko hiru ikaslek sortu dute: Jon Zamora hernaniarrak, Luar Gullianek eta Eñaut Martik.
«Democreativity herri­ta­rren parte hartzea eta eza­gu­tzak sustatu eta ezagu­ta­ra­zi­ko dituen erreferendum tres­na gisa erabiltzeko pen­tsa­turik dago». La­runbat hone­tan, aurretik iden­tifikatu diren herriko erronka eta be­harrei buruz eztabaidatzera azal­tzeko dei egiten diete her­naniar guz­tiei, 10:30e­tatik 14:30etara, Biterin. Infor­mazio gehiago eta izena emateko:  650 947 623 edo www.democreativity.org.

Lau gai, eztabaidarako
Identifikatuta dauzkaten lau gairi buruzko eztabaida di­na­mi­zatuko dute ikasleek la­run­­batean, taldeka: Her­na­ni­ko etxebizitza plana; Kultu­ra­ren sustapena; Hernaniko es­pazio irekien erabilera; eta etorkizunean eduki nahi den Hernani eredua.
Saioa euskeraz eta gaz­te­laniaz egingo da, eta hau­rren­tzako tailerrak ere egon­go dira. Gainera, bazkaritxoa ere emango zaie parte-hartzaileei.
Konponbideak Udalari
Larunbateko eztabaida pro­ze­suan adosten diren kon­pon­bideak Udalari aur­kez­tuko zaizkio gero, tekni­ka­riek aztertu ditzaten.