Murala aukeratzeko lehiaketa, bukatzear

Azaroaren 25a Emaku­mea­ren­ganako Indarke­riaren Aur­kako Eguna da, eta Hernanin, azaroaren 22an ospatuko da egun hori, mural bat mar­gotuz.
Hain justu, mural ho­rre­ta­ko irudia eta leloa aukera­tze­ko lehiaketa jarri du martxan Hernaniko Txoko Feministak, eta igande honetan bukatuko da epea lanak aurkezteko. Edozeinek hartu dezake parte; emakume nahiz gizon, adin mugarik gabe.

Erasoei aurre egiteko emakumeek duten indarra
Lehiaketara marrazkiak edo irudiak aurkeztu daitezke, eskuz edo ordenagailuz egi­nak, baina euskarri digi­ta­le­an; hau da, eskuz eginez gero, argazkia atera eta horixe bi­dali beharko da. Irudiarekin ba­tera leloa bidaltzea auke­ra­koa da; bidaltzen ez bada, lehiaketaren irabazlearen eta Bilgune Feministako kideen artean aukeratuko da.
Gaia, noski, Emakumea­ren­ganako Indarkeriaren Aur­kako Eguna bera izango da. Txoko Feministaren ustez, «emakumeengan jarri behar da arreta eta indarra, erasoei aurre egiteko ema­ku­meek duten gaitasuna alda­rrikatzea izanik helburua».
Lanak hernanikotxokofe­mi­n­ista@gmail.com helbidera bidali behar dira. Irabazlea­rentzako saria ez dute ze­haztu: sorpresa izango da.