Asteburuan mota guztietako emaitzak izan dituzte pelotari hernaniarrek. Gartzaronen galdu egin dute, baina Gipuzkoako Txapelketan, 12 partdiu irabazi, eta 7 galdu.
Nafarrak nagusi
Asteburuan jokatutako partiduen artean bazen bat berezia: Gartzarongo Txapelketa. Ioritz San Sebastian hernaniarrak jokatu zuen, Iker Urmeneta añorgarrarekin batera, Laso eta Sarasa bikote nafarraren aurka. Nafarrek bizitasun haundia eman zioten jokoari, eta 22 eta 6 gailendu ziren.
Gipuzkoan, seniorrak larri
Gipuzkoako Txapelketan 12 partidu irabazi eta 7 galdu dituzte hernaniarrek. Ojuel eta Aizpitartek finalerdietako joaneko partidua galdu dute, eta lana majo egin beharko dute aurrera egiteko. Jubeniletan, berriz, Pagola eta Urruzola finalerdietarako sailkatu dira, eta alebin eta infantil mailetako 5 pelotarik azken fasean sartzea lortu dute. yy