ikasturte borobila du aurretik Kantuz abesbatzak. 25 urte betetzen ditu, eta emanaldi berezi asko antolatu dituzte, ospatzeko asmoz. Aurrenekoa, abiapuntua, gaurkoa izango da. Gasteizko Oskarbi abesbatzarekin batera, kontzertua emango dute Milagrosan. 19:30etan hasita, hamalau abesti kantatuko dituzte. Kantuz abesbatzak hasiko du emanaldia, Igor Arroyo zuzendari duela, eta aurreneko bost abestiak kantatuko dituzte. Ondoren izango da gasteiztarren txanda. Bederatzi abesti eskainiko dituzte, Nagore Alanguaren zuzendaritzapean.
Esperientziadun abesbatza
Zazpi urteko ibilbidea egin ostean, 2012 urtean etapa berria hasi zuen Oskarbi abesbatzak. Musikalde elkarte kulturalarekin egin zuen bat, Nurat abesbatza gaztearekin batera, eta Lumturi eskolaniarekin. Ibilbidean zehar eman dituzten kontzertuen artean, aipatzekoak dira: Antzoki Nagusia, Jesus Guridi kontserbatorioa... Hasieratik Nagore Alangua izan da zuzendaria.
Emanaldi asko, ekaina arte
Esan bezala, gaurkoa Kantuzen aurreneko emanaldia izango da, ospakizun urtearen barruan. Hurrengo zita garrantzitsua hilaren 22an dute, Santa Zeziliaren bueltan. Eta bereziak izango dira urte berria eta geroko emanaldiak: Santa Ageda bezpera, Eliz Musika saioa, Kantuz Eguna, eta Pazkuko astean egingo duten kruzeroa.