Hondakinak gutxitzen dituzten erosleak sarituko dituzte dendek

Merkataritzan hondakinak gutxitzeko kanpaina jarri duten martxan, Dendartean Gipuzkoako Merkataritzaren Bilkurak eta Berriak Herna­niko Merkatari eta Ostalarien Elkarteak, Hernaniko Udala­ren laguntzaz. Atzo aurkeztu zuten, eta hondakinak mu­rrizteko aholkuak jarraitzen dituzten erosleak sarituko dituzte.
Bittor Lizarribar Den­dar­te­aneko lehendakarior­de­ak azal­du zuen azken hila­beteotan prestakuntza saioak egin di­tuztela zenbait herri­ta­ko mer­katari eta osta­lariekin, tartean Hernani­ko­ak: «horiek konpro­miso bat hartu dute, honda­ki­nen murrizke­tan la­gun­duko duten praktika onak beren negozioetan martxan jartzeko».

Kupoiak beteta, zozketa
Ildo horretatik sortu da Berri­ak eta Dendarteanen ekime­na. Mertxe Jimenezek, Berria­keko ordezkariak zehaztu zuen gaur hasi eta abenduak 7ra luzatuko dela kanpaina.
Parte hartuko duten den­dek, kupoiak banatuko dizki­ete erosleei: «bezeroek eroske­tak egitean ahalik eta honda­kin gutxien sortzea da helbu­rua. Erosketa bakoitzean, kupoian emandako aholkuak jarraituz gero, zigilu bat lortuko dute». Kupoiak bete­tzen dituztenen artean, pro­duk­­tuak zozketatuko dituzte: erosketa orgak, tupperrak, kristalezko botila eraman­garriak...». Zozketak, azaroak 24 eta abenduak 10ean.