Ereñotzuko Auzo Udalak eta Hernaniko Osasun eta Gizarte Ongintzarako Udal Patronatuak, ikastaro bat antolatu dute menpekotasuna duten pertsona helduen zaintzaileentzat. Sendian Programaren barruan da. Ereñotzun, prestakuntza ikastaroa egiten den lehenengo aldia izango da.
Auzo Udalak animatu egin nahi ditu bertako herritarrak formakuntzan parte hartzera. Ikastaroaren helburua da, zaintzaileek gaitasuna lortzea ahalik eta arreta onena eman diezaieten pertsona helduei. Zaintzaileen egoera emozionala landuko dute.
Izena eman behar da
Ikastaroa asteazkenetan izango da, datorren astean hasita: azaroak 5, 12, 19, 26 eta abenduak 3 (Auzo Udalean).·Ordutegia: 15:00-17:00. Izena eman behar da: 943 55 10 00.