Akademiak: behar eta adin guztietara egokitutako zentroak

Ikasi nahi duenak ez du aitzakiarik Urumea bailaran. Eten­gabe ikasteari geroz eta ga­rrantzia gehiago ematen dio gaur egungo gizarteak, eta ho­rri lotuta, aukera geroz eta za­balagoa da. Ikasketa zentroen helburua da, momentu bakoi­tzean herritarrek dituzten beha­rre­tara egokitzea; bide horretan, bi joera aurkitu di­tzakegu.
Batetik, ikas­keta edo formakuntza tradizionala egiteko aukera dago: ikastetxe eta institutuak, Lanbide Hezi­ketako zentroak, graduatua ateratzeko aukera, langile eta langabetuentzako ikastaroak...

 «Aurreko ikasturtean juxtu xamar ibili direnak errefortzu klaseekin lehenbailehen hastea komeni da»

Eta akademien adarra dago, bestetik. Behar eta adin guztietara egokitzen diren akademiak daude Hernani eta Astigarragan. Aukera zabala eskaintzen dute: hizkuntzak ikasi, errefortzu klaseak, ikastaroak...   Espezialistak dira ho­­­rretan, eta herritarrek bizi­tzan zehar dituzten helburuak betetzen laguntzeko programa bereziak dituzte.

Euskera hitz egin eta praktikatzeko aukera
Euskera indartu edo ikasi nahi duen guztiak aukera ederra du Udal Euskaltegian. Nor­beraren helburu eta premietara egokitutako eskain­tza za­bala dute:  ordutegi zabala, sistema ez­ber­dinak... Ikasita­koa prak­ti­kan jartzeko aukera ere eskaintzen dute.
Nahi duenak gainera, Uda­laren dirulaguntza eska de­za­ke bertan.
 

«Etortzen den guztiak bere lekua izatea nahi dugu»
Jakina da hizkuntzak jakiteak garrantzia haundia duela, eta atzerrikoen artean, ingelesa ikasteari ematen zaio inportantzia, gaur egun.
Hernani Hizkuntzak akademian urteak dira lan horretan di­hardutela. Ingelesetxe gisa de­finitzen dute bere burua. Ira­kasle natiboak dira, eta adin guztietako ikasleen­tzako kla­seak dituzte: 4-5 urtetik au­rrera. Mai­la aniztasunari ere, ematen diote garrantzia: «etortzen den guztiak bere lekua aurkitzea bilatzen dugu. Horregatik maila bajuenetik, Proficiency edo C2 mailarainoko klaseak ema­ten ditugu». Talde txikiak iza­tea ere, berma­tzen dute: «ge­hienez 8 laguneko taldeak izaten dira, eta emaitzei erreparatuz gero, pozik gaude, oso onak baitira».
Ingelesa dute komunean guztiek, baina interesak ezberdinak izaten direla diote:  «ba­tzuk tituluak ateratzeko asmoz etortzen dira. Beste batzuk, lanean behar dute, eta formakuntzaren parte sentitzen du­te. Eta atzerrira joateko asmoa dutenak ere, izaten ditugu».
Hernanin dagoen ingeles maila aztertzen hasita, Her­nani Hizkuntzak akademiako kideek diote nahiko maila ona dagoela, bereziki 20-30 urte bitartean: «Euskal Herriko edo Estatuko datuekin alderatuta, maila ona dugu Hernanin».

«Rebalida bat pa­satzen dugu urtero. Ikasleak azterketa egitera joaten direnean, gu ere proba bat pasatzen ari gara»

«Esperientziak erakutsi digu Cambridge metodoa dela egokiena»
Yaben ingeles akademia erro­­tua dago Hernanin. Belau­nal­diz belaunaldi, asko dira ingelesa bertan ikasi duten he­rritarrak, eta hori da izan dezaketen erreferenterik one­na. Ingelesa ikasi nahi duen guztiak du aukera, Yaben akademian, adina aitzaki izan gabe. Cambridge metodoa ja­rrai­tzen dute, programa gisa: «urteek eta esperientziak erakutsi digu konpletoena dela. Metodo hau ja­rraitzeak behar­tzen gaitu gramatika, ahozkoa eta beharrezkoak diren gainon­tzeko kontzeptu guztiak erakustera». Metodo hau jarraitzen duenak bere beharrak asetzen dituela diote: «badira ikastolan laguntza behar dutenak, edota ingelesa beste behar batzuetarako jakin nahi dutenak. Duten maila neurtzen zaie, eta Cambridge programan sartzen ditugu. Eta ikasten joaten direnarekin, behar hori asetu bakarrik ez, maila hobeagoa lortzen dute denbora gutxian».
Urtero urtero rebalida moduko bat pasatzen dutela diote Ya­ben akademian «ikasleak az­terketa egitera joaten direnean, gu ere proba bat pasatzen ari ga­ra. Joan den urteko emaitza onek ez dute aurten balio. Eten­gabe lanean segi behar dugu, eta oso pozik gaude ikasleek lortzen dituzten emaitzekin».  

Ingelesaz gain, frantsesa eta italiera ere bai
London akademian hiru hizkuntza ikasi litezke: ingelesa, frantsesa eta italiera. Asti­ga­rra­gan eta Gipuzkoako beste hiru he­rritan dituzte egoitzak. Ingeles klaseak 4 urtetik aurrera ematen dituzte: «umetatik hel­duetara, guztiek dute le­kua». London akademiara jo­tzen duten as­kok, tituluren bat ateratzea izaten dute helburu eta bereziki ikasle garaian dauden ikasleak dituzte: «DBHn, institutuan eta unibertsitatean dauden ikasleak ditugu gehienbat. Eta ingelesaren kasuan First, Advance edo Cambridgeko beste edozein titulu ateratzea izaten dute helburu». Errefortzu klaseak ematen ere, esperientzia haundia dute: «laguntza behar duen edonork du lekua hemen. Es­ko­letan ere, ematen ditugu erre­fortzu klase horiek». Horiek dira bereziki, eskain­tzen dituzten zerbitzuak, baina ez bakarrak: «noski, ateak zabalik ditugu, la­nerako eta beste hainbat beharretarako hizkuntzaren bat ikasi nahi duten herritar guztientzat».

«Komeni da errefortzuarekin lehenbailehen hastea»
Ikasle garaian dagoen edonork du lekua Tilosetako akademian. Errefortzu klaseak ematen dituzte, hau da, ume edo gazteei laguntzen diete zailtasunak dituzten ikasgaiekin. Lehen Hezkuntzatik hasi, eta uniber­tsitate garaia arteko laguntza ematen dute, ikasgai guztietan: literatura, gaztelania, matematika, zientziak...
Azaldu dutenez, askok itxaron egiten dute urtea nola daramaten ikusi arte: «gutxi izaten dira ikasturtea hasi bezain pronto apuntatzen direnak. Azterketa garaia gertu dagoenean, edo notak jasotzean etortzen dira gehienak. Joan den urtean otsailetik martxora nabaritu genuen igoera, eta hilabete fuerteena maiatza izan zen; hau da, kurtso bu­kaera». Lanketa on bat egiteko, lehenbailehen hastea komeni dela diote: «kurtso bukaeran saiakera askoz haundiagoa da. Ikasturtea hasieratik ondo era­matea komeni da, eta be­raz, laguntza behar bada, lehenbailehen izatea».

Errefortzua, graduatua eta sarbide probak
Ekide akademian ilusioa eta lanerako gogoa sobera dute. Ez dira hilabete asko ateak zabaldu dituztela, eta gustura dira harrerarekin. Lehen Hezkun­tza eta Batxilergo bitarteko ikas­gaietan ematen dituzte errefortzu klaseak. Batzuk ikasturtearekin batera hasi dira laguntza hori jasotzen, eta azaldu dutenez, hori da egokiena: «izan ere, aurreko ikasturtean justu xamar ibili badira, komeni da hau ondo astea. Arazoei aurre hartzea gomendatzen dugu guk, eta ondo joanez gero, laguntza uztea».
Helduentzat lekua ere  badute Ekide akademian. Gra­duatua atera edo sarbide proba gainditzeko klaseak ematen dituzte bertan.

Ikastaro bonifikatu eta diruz lagunduak
Urolalden eskaintza zabala dute langile, langabetu eta enpresentzat. Azken hauentzat ikastaro bonifikatuak antola­tzen dituzte; eta langile eta langabetuentzat subentzionatuak. Bestalde, ingeles ikastaroa ere emango dute azaroan, Hobetuzek diruz lagundutakoa. Bakoitzak duen maila jakiteko probak egingo dituzte azaroaren 3, 4 eta 5ean, 13:00etatik 18:30etara.