Ura patrikan sartu eta musika klasiko berezi batera salto egiteko aukera

Antzinako musikara era­man­go dituzte entzuleak, Maite Larburu hernaniarrak eta Josh Cheatham estatuba­tuarrak, baina kantu propioekin eta musika tresna bereziekin. Neighbor bikotea osatzen dute Larburuk eta Cheathamek, eta kontzertua emango dute gaur, 20:00etan Biterin, Hernani’n Musik ekimenak antolatuta Sarrerak salgai daude, 7 euroan.

‘Ura patrikan’ diskoa aurkeztuko dute, kantu propioekin eta instrumentu bereziak erabiliz: shakuhachia, sarangia, shruti-boxa, viola da gamba...

Amsterdametik Hernanira, maleta bete kantu
Amsterdamen bizi dira Lar­buru eta Cheatham, auzo berean. Musika ikasketek eraman zituzten bertara, duela 10 urte baino gehiago, eta ordutik, antzinako musika klasikoan eta ganbara musikan aritu dira. Ez dituzte, ordea, ohiko tresnak era­bil­tzen. Bestelako instrumentu­ak jotzen dituzte: gitarra, shaku­hachia, sarangia, shruti-boxa, kon­tra­baxua, viola da gamba...

Kantu propioak, hernaniarren belarrietara
Horiekin osatu zuten bera­ien aurreneko diska, Ura patrikan. Larburuk jartzen du ahotsa, euskerazko, inge­le­sezko eta gaztelaniazko kan­tuetan, eta instrumentu barietate zaba­lenarekin laguntzen dio Cheathamek.
13 kantu biltzen ditu dis­kak, bikotearen kantu pro­pioak eta estilo askotarikoak: folk, blues, jazz, brasilgo musika... Kantu horiek dira, herritarren belarrietara iritsa­raziko dituz­tenak, gaurko kontzertuan.
Zela Trovke film laburra ere, emanaldian
Kontzertuaren barruan, film labur bat ere emango dute: Zela Trovke, Asier Altuna zuzendariarena. Film horre­tan ere, Maite Larburu da protagonista.
Eslovakiako kantu tra­dizional bat da Zela Trovke, eta Larburu kantu hori inter­pretatzen ageri da, Holland Baroque Society orkestrarekin.

‘Zela Trovke’ film laburra ere emango dute, Maite Larburu protagonista dela. Eslovakiako kantu tradizional bat da ‘Zela Trovke’.

Biolina bidelagun, mundu osoan zehar
Txikitatik, biolina izan du bidelagun Maite Larburuk. Donostian eta Madrilen ikasi ondoren, Amsterdamera mugitu zen, eta bertan jarri zen bizitzen. Etxean egoteko tarte askorik ez dauka, ordea. Tokitik tokira ibiltzen da, Holanda, Belgika, Alemania eta Frantzian. Afrika eta Japonian ere izan da, antzi­nako musika festibaletan.
Orkestra ugarirekin aritu da lanean, eta antzinako musikari askoren gidaritza­pean: Ton Koopman, Lars Ulrik Mortensen, Frans Bru­ggen, Gustav Leonhardt...