Axketa mendi taldeak, festa antolatu du larunbat honetan. Plana, gaua musikaz betetzea. Eta horretarako, hiru kontzertu antolatu dituzte, gaueko 22:00etan hasita. Kontrakantxa gaztetxean izango da, Axketa fest deitu dutena.
Hernaniko taldeen aldeko apostua egin du Axketak, kontzertu sorta osatzeko. Horrela, Dirty Eyes taldea izango da menuko aurreneko platera. Hernaniko bandak rock gogorra jotzen du, eta aurretik ere eman ditu kontzertuak gaztetxean.
Eztanda eta Trifulka, ondoren
Segidan, beste bi talderen kontzertua ere izango da gaztetxean: Eztanda taldeak hartuko du txanda, eta Trifulka musika bandak emango dio itxiera, Axketaren festari.
Kontsumizioetan bildutako dirua, Axketari laguntzeko
Kontzertuak entzuteko, sarrera debalde izango da. Gaztetxean bertan, barra jarriko dute, eta asmoa da, kontsumizioetan lortutako dirua, Axketa mendi taldeari laguntzeko izatea.
Bildutakoarekin, ekintzak eta irteerak antolatzen jarraitu ahal izango du Axketak, mendiarekiko zaletasuna haunditzen jarraitzeko. Animatzeko deia egin diete herritarrei