Plenoa izango da bihar 19:00etan eta besteak beste, Alkatetzak mozio bat aurkeztea erabaki du Elgopebi kasuaren inguruan, hainbat puntu argitzeko. Alkatetzak hainbat galdera egingo dizkie Udal talde politiko guztiei eta 20 eguneko epea izango dute erantzuteko. Galdera batzuk: 1995eko maiatzeko hitzarmena sinatu zenean, zein zen indarrean zegoen Hirigintza Arautegia? Zergatik ordaindu zen diru publikoarekin Udalak doan jaso behar lukeen errepide bat? Zergatik ez ziren bete hitzarmeneko baldintzak 1995etik 1999ra? Denera, 12 galdera dira. AP-8 autobideko Garraioaren Zentroari buruz eta zerga fiskalei buruz ere ariko dira biharko Plenoan. Eta beste 4 mozio ere bozkatuko dituzte.