Hernaniarra zen Juan Migel Orkolaga, edo Aita Borraska. Hil zela 100 urte bete dira, eta omenaldi moduan, hainbat ekintza antolatu ditu, gaurtik, AEMET meteorologia agentziak.
Erakusketa, gaurtik
Gaurtik azaroaren 9ra, erakusketa jarriko da Biterin, 18:00etatik 20:00etara. Bertan ikusi ahal izango dira meteorologian erabiltzen diren tresnak, Aita Orkolagaren liburu eta artikuluak, eta hainbat gertaeretako argazkiak.
Hitzaldia, etzi
Asteazkenean, berriz, Aita Orkolaga, ororen aurka hitzaldia emango du Asun Urzainki Deustuko Unibertsitateko irakasleak. 19:30etan izango da, Biterin.
Pelikula eta kontzertuak
Datorren astean ekintza gehiago izango dira. Azaroaren 5ean, La tormenta perfecta filma jarriko dute Biterin, 19:30etan, eta segidan tertulia eta mahai-ingurua egingo dira.
Azaroaren 9an, berriz, meza izango da San Joan Bataiatzailea parroki elizan, 12:00etan, Parrokiko abesbatzak lagunduta. Ondoren, Ozenki abesbatzak emango du Aita Orkolagaren omenezko kontzertua.