«Hondakin bihurtutako gauzekin diseinu berriak sortzen ditugu», azaldu du Aikari Lizasok. Maria Fernandezekin batean, Nafar kalean dagoen berrerabilpen zentroa ireki zuen duela bi urte eta erdi.
«Kontsumo filosofia desberdin bat bultzatu nahi dugu. Europan oso ohituta daude, baita maila ekonomiko altukoak ere, bigarren eskuko gauzak erabiltzera. Hemen ere ohitzen ari gara. Oso kalitate oneko gauzak ekartzen dizkigu jendeak. Berrerabiliko ez bagenu, toneladaka zabor sortuko genuke».
Baserritar jantziak prest
Aprobetxatu daitezkeen telekin baserritar jantzi berriak egiten dituzte, adibidez. «Lehengo urtean lanez gainezka ibili ginen azkenerako, eta aurten lehenago hasi gara. Asko eskatzen dizkigute».
Josteko tailerra, martxan
Berrerabiltzeko filosofia bultzatzeko, baita ere, josten ikasteko tailerra jarri dute martxan. «Puntua, gantxilloa... Norberaren imajinazioa garatu eta konponketak edo modalketak egiteko gai izatea da helburua. Dagoeneko hasi gara tailerrekin. Bakoitza ahal edo nahi duenean etorri daiteke, eta bere erritmoa jarraitu. Goizero izaten da aukera, 10:00etatik 12:00etara, eta ostegunetan, 17:00etatik 19:00etara.
Informatika tailera, laster
Oinarrizko informatika tailerra emateko asmoa ere badute. «Ez dakigu erabiltzen dauzkagun telefono mobilen %5 besterik». Jendearen beharretara egokituko dituzte tailerrak, beraz, izena eman behar da: 943 50 63 41 edo 661 331 113.