Isurketa bat izan zen atzo Osiñagako errekan. Hernaniko Udaltzaingoa, Ura Agentziako teknikariak eta Ertzaintza gerturatu ziren, eta gertatutakoa aztertzen ari dira. Ez dakite, zehatz-mehatz, nondik datorren isurketa. Badirudi jatorria Urnieta eta Hernani arteko mugan dagoela, Loiditik eskubira hartu, Otsua-enea paretik, eta Errotaran goikoa pasata, AHTaren obren inguruan. Obretako zikinak garbitzeko depuradora izan daiteke jatorria.