Iker Salaberriak Nafarroako Txapelketa irabazi du, eskuz banaka, kadete mailan. Asteazkenean jokatu zuen finala Oberenako Cordonen aurka: 18-7.
Goizuetarrek, irabazi
Aurreko asteburuan eta aste honetan goizuetarrek jokatutako partidu guztiak irabazi dituzte: Nafar Jokuetan, Aizkorbe-Apezetxeak 22-17 irabazi zieten Maia-Beteluri. Eta Salaberria-Mariezkurrena 22-8 nagusitu zitzaizkien Telletxea-Gascueri.
Aizkorbe eta Apezetxea, Errotxapeako semifinalean
Errotxapean, Aizkorbe-Apezetxeak 18-10 irabazi zieten Oskoz-Yanizi eta asteazkenean, semifinala jokatuko dute (18:00). Maia-Betelu izanen dituzte aurkari (Esteribar).
Partiduak Goizuetan, bihar
Gaur, Gartzaronen jokatuko dute (16:00): Aizkorbe-Apezetxea/Orbegozo-Oliden (Añorga); eta Salaberria-Mariezkurrena/Mugiro-Eskiroz (Burlata).
Bihar, Nafar Jokuetako bi partidu jokatuko dira Goizuetan (12:00): alebin 3garren mailan, Joanes Apezetxea-Beñat Apezetxea/Zugarralde (Burlata); eta kadete 1go mailan, Aizkorbe-Apezetxea (Umore Ona) Salaberria-Mariezkurrena (Erreka).