Motxian Eby esketx lehiaketa antolatu dute Buruntzaldea eta Oarsoaldeako eskualdeek. DBHko ikasleei zuzendua dago eta parte-hartzaileek euskeraz abesten duen musika talde baten edo euskerazko abesti baten “parodia” egin beharko dute, letra aldatuz eta taldearen arabera mozorrotuta eta karakterizatuta.
Esketxek euskeraz eginak izan behar dute eta gutxi gorabehera minutu bateko iraupena izan behar dute. Edozein tresnarekin grabatu daitezke: eskuko telefonoa, bideo kamera, tableta, argazki makina…
Ekimen honen bitartez, gazteen artean euskeraren erabilera bultzatu nahi dute Udalek, hizkuntza arlo guztietara eramanaz, umorearen arlora zabalduz.
Umorea, orijinaltasuna…
Esketxak aurkezteko epea azaroaren 14an bukatuko da. Baloratuko dira: umorea, letraren orijinaltasuna, karakterizazioa... Lanak e-postaz edo Whatsapp bidez aurkeztu daitezke. Eskualde bakoitzeko bi sari egongo dira: bideo onenak 300 euro jasoko ditu eta bigarrenak 200 euro. Gainera, publikoaren saria ere izango da. Interneten bozka gehien jasotzen duenak 50 euroko saria irabaziko du. Informazio gehiagorako: www.motxianeby.com.