Sagarra bildu eta sagardoa egiteko garaia da orain eta sagardotegiek egiten duten lana ezagutzera emateko, Gipuzkoako Sagardogileen Elkarteak Sagastitik Kupelera ekimena antolatu du. Ekimen horren barruan, Petritegi sagardotegian ate irekien eguna egingo dute, igandean. Goizeko 11:00etatik 13:00etara izango da.
Jendeak sagarra eta sagardoa nola egiten den ikusteko aukera izango du: sagarra bildu, sagarra probatu, muztioa egin eta probatu... Sagardoa edateko aukera ere izango da. Petritegiko sagastian hasiko da eguna.
Informazio gehiagorako: 943 45 71 88 telefonoan, edo www.petritegi.com/es.