Herrian barrena hasiko da festa, kalejiran. Segidan, bazkaria egingo da Atsegindegin, eta ondoren, zeremonia. Arratsaldean kontzertuak izango dira. Antolatzaileen esanetan, festa irekia da: «gure ideiekin bat egiten duen edonor ongi etorria izango da».
Erritual propioa
«Bollorrioa ospatuko dugu: ohiko ezkontza bat izatetik haratago, maitasun eredu ezberdinak ikustaraztea helburu duen errituala izango da. Bi lagunen arteko ezkontza baino gehiago da: maitatzeko mila modu daudela aldarrikatu eta hauek ospatzeko beste hainbeste erritual egon daitezkeela ikusarazteko modua da. Maitasun iraultzaile eta anitzak aldarrikatzea, eta gure erritual propioak asmatu eta ospatzea da helburua», azaldu dute.
Egun osoko festa
Eguerdiko 12:00ak aldera hasiko da festa; Karboneratik abiatuta, brindisa eta trikipoteoa egingo dituzte. 14:00etan bazkaria egingo da Atsegindegin (izen ematea itxita dago), eta kafe garaian, 16:00ak inguruan, zeremonia egingo da. 18:00etatik aurrera, kontzertuak izango dira: Kaxianoren Alabak, Pottors ta Klito, Dj Gurebesta eta beste hainbat.