Helduentzako perkusio tailerra antolatu du Musika Eskolak. Azarotik ekainera bitarte izango da eta astean, 45 minutuko taldeko saioak. Musika mota eta instrumentu desberdinak ikasteko aukera izango da. Gorputz perkusioa landuko dute eta psikomotrizitatea eta koordinazioa ere bai.
Musika ezagutza gabe
Tailer honetarako, ez da musikaren ezagutzarik behar eta instrumentua erosteko laguntza ere emango da.
Tailerraren prezioa: Astigarragakoek 15 euro eta kanpokoek, 17 euro. Zortzi kuota izango dira. Ordutegiak aukeran daude, baina gutxienez 5/6 ikasleko taldeak osatu beharko dira. Asteartetan: 14:15-15:00/21:00-21:45. Eta asteazkenetan: 15:00-15:45/20:15-21:00.