«Hiru espermatozoide utziko al zenizkiguke?»

Txalo Produkzioak Hiru antzez­lana eskainiko du larunbatean, kultur etxean (20:00). Adela, Nekane eta Maitek ez dute elkarren berri izan joan deneko hiru hamar­kadetan. La­gun minak, separaezi­nak zi­ren, bizitzaren joan-eto­rrian, ba­koitzak bere bide eta espe­rientziei ekin zien arte. Orain, berrogeita hamarrak bete­­tzeko trantzean, gauza bat dute argi eta garbi: zein baino zein bakartiago bizi direla, hirurak ere, ama izateko ame­tsa bete gabe. Berandu ote? Eta gustoko gizona aurki­tuko balu­te? Eta gizon horrek hirurak haurdun utziko bali­tu? Beneta­ko familia bat osatu lezakete... Amesturiko gizon-katxarroare­kin egin dute topo eta galdera nagusia dator segidan: «Hiru espermatozoi­de utziko al zeniz­ki­guke…?». Barre egiteko auke­ra izango da komedia dibertigarri honekin.
Igandean, berriz, haurren­tza­ko antzerkia izango da: Mollie Malonen ipuin sinestezi­na. 17:30etan izango da. Bi antzer­kietako sarrerak salgai daude Udalaren webgunean: www.astigarraga.net. Antzerkia baino ordubete lehenago ere jarriko dira, leihatilan. Prezio­ak: 6 euro eta 2,5 euro.