Kostatzen ari zaio Hernaniri denboraldiko aurreneko garaipena lortzea. Partidu garrantzitsua zuen atzo etxean, eta dena eman bazuen ere, gernikarrak izan ziren nagusi, 14-19. Bonus defentsiboa izan zen Hernanik atzo jasotako sari bakarra.
Aurreneko zatia, berdindua
Eguzkiak gogotik berotzen zuen atzo Landaren eta hori nabaritu zen partidu osoan zehar. Hasi eta berehala aurreratu ziren trikoloreak Genuak gauzatutako zigor kopearekin. 3-0 ziren aurretik markagailuan. Eta partidua, hara eta hona. Zelaiaren erdigunean izan zen jokoa, eta ez bata eta ez bestek ez zuten asmatu erasoko joko garbirik sortzen. Atsedenaldian Genuak egindako 3 puntuak soilik ageri ziren markagailuan.
Gernikarren ofizioa nagusi, bigarren zatian
Basurdeak gosez atera ziren bigarren zatian. Hamar minututan bi entsegu egin zituzten, eta 0tik 12ra eraman zuten markagailua. Agerian geratu zen bizkaitarren ofizioa. Hernaniri kosta egin zitzaion erreakzionatzea. Genuak murriztu zuen aldea, zigor kolpe batekin. Eta bederatzi minutura entsaioa egin zuen Otxotorenak. Genuak ez zuen ordea gauzatu, eta atzetik segi zuten, puntu batera: 11-12.
Azken minutuan, Gernikak aukera aprobetxatu eta hirugarren entsaioa egin zuen. Hernanik, denbora bukatua zela, zigor kolpearekin itxuratu zuen partidua, eta eskuratu zuen bonusa: 14-19.