Aitzakia gutxi behar izaten dute Osiñagako bizilagunek elkartu eta ondo pasatzeko. Landa eremua izaki, izaera berezia du auzoak, eta elkartzeko aukera ez dute nahi bezain bestetan izaten. Auzoko festak, irteerak eta urtean zehar antolatzen dituzten beste hainbat ekintza beraz, perfektuak izaten dira juntatu eta elkarrekin une atseginak pasatzeko.
Ume jolasak, atzo
Arriatsuko eskola izaten dute topaleku, eta atzokoan ume eta gaztetxoak izan ziren protagonista. Arratsalderako plana antolatu zien auzo elkarteak. Lehendabizi, jokoak izan zituzten; dibertsiorako tarte ederra. Eta ondoren, merienda. Azken urteetan tradizioa bihurtu den txokolate jatea egin zuten arratsaldea goxatzeko.