Nola egin aurre helduen jokaera aldaketei?

Portaera arazoak dituzten helduei nola aurre egin era­ku­tsi nahi du Ongintzak. Lahar elkargoarekin batera, ikas­ta­roa antolatu du. Azaroaren 5, 6 eta 7an izango da ikastaroa, hiru egunetan, 17:00etatik 20:00­etara. Maita­ne Fer­nan­di­no izango da hizlaria eta teo­riaz gain, aurre egiteko tekni­ka edo moduak erakutsiko ditu.

Jokaerak ulertzea, pausuetako bat
Ikastaroa helduen jokaera al­daketetan oinarrituko da, eta helburua izango da marko bat sor­tzea, aldaketa horiek uler­tzeko. Azaldu dutenez, trastor­no horiek arazoak ekarri di­tzakete, eta horiei aurre nola egin erakutsiko dute.
Ikastaroan emango dute dementzien inguruko infor­mazio guztia: definizioa, mo­tak, sintomak, garapena.
Jokaera ezberdinak az­ter­tu­ko dituzte ondoren: nondik da­torren, inguruak duen era­gina...
Trastorno hauek ekarri ditzaketen arazoak ere az­tergai izango dituzte, hala nola, depresioak, agre­si­bi­tatea, an­tsietatea... Hauen eragina aztertzea izango da helburuetako bat: arrazoiak zeintzuk izan daitezkeen jakin, eta era beran, nola saihestu edo murriztu.

20 plaza, debalde
Ikastaroa debalde antolatu dute, baina 20 plaza besterik ez daude. Beraz, jaso nahi dutenek izena lehenbailehen ematea komeni da. Horre­ta­ra­ko: 943 55 78 54 edo San­diusterriko bulegotik pasa.