Hamabost partidu jokatuko dituzte pelotari hernaniarrek, asteburu honetan, Gipuzkoako txapelketan. Horietako hiru, Ereñotzun jokatuko dira gaur, 16:00etan; eta beste hiru, Hernanin bihar, 10:00etan.
Aurreko astean sartu ziren lehian, alebinak eta infantilak. Emaitza oso onak lortu zituzten, hamar partidutik zazpi irabazita. Maila hori mantendu nahi dute asteburu honetan, garaipenak pilatzen jarraitzeko.
Ojuel eta Lizeaga, semifinaletara bidean
Senior mailan, berriz, partidu garrantzitsua zuten atzo iluntzean, Azpeitian, Ojuelek eta Lizeagak. Irabaziz gero, txapelketako semifinaletan izango litzateke bikote hernaniarra.