Udazkena bete-betean da, eta ospatze aldera, festa antolatu du gaur Kutxa Ekoguneak. Ekimenez betetako egitaraua osatu dute, haur, familia eta gazteei zuzenduta. 10:30etatik 15:00etara izango dira musika, tailerrak, bisita gidatuak, berba gunea, zozketak eta produktu ekologikoak dastatzeko aukera.
Ekimen hau aprobetxatu, eta publiko osoari ateak irekiko dizkio Kutxa Ekoguneak. Eta gaurtik aurrera, ekimen ezberdinak antolatzeko asmoa azaldu dute.
Gaurko ekimen guztiak irekiak eta doakoak dira
Egunean zehar antolatutako ekimen guztiak irekiak eta debaldekoak izango direla azaldu dute. Baratze Eskolara bisita gidatuak egiteko aukera, 10:30etatik 13:30etara izango da. Ordu berean hasiko da Ekobira, kontsumo jansagarriaren azoka. 11:00etatik aurrera argazki maratoia antolatu dute, 10 eta 16 urte bitarteko gazteentzat. Eta ordu berean hasiko dira, baita ere, tailerrak; udazken eta neguko baratzaren plangintzaz ariko dira. Hiru urtetik gorako umeak dituzten familientzat ere izango da ekitaldai: Hip Hop Urri ekimena, 11:00etan hasita. Hamar minutuko hitzaldi motzak ere, izango dira Berba gunean. Eta inaugurazio bat ere, antolatu dute, Dora Salazarren Mujer arbol eskultura izango da eguneko protagonistetako bat.